06.10.2022

Ijtimoiy-iqtisodiy sohada huquqni qo‘llash amaliyotini o‘rganish bo‘limi tomonidan 2022 yilning 9 oyi davomida amalga oshirilgan ishlari.

Viloyat adliya boshqarmasining Ijtimoiy-iqtisodiy sohada huquqni qo‘llash amaliyotini o‘rganish bo‘limi tomonidan davlat organlari va tashkilotlarining qonunlar va boshqa normativ-huquqiy hujjatlari jrosini tashkil etish sohasidagi faoliyatiga uslubiy rahbarlik qilish va muvofiqlashtirish, tanqidiy tahlil asosida izchil va bir xil huquqni qo‘llash amaliyotini ta’minlash bo‘yicha chora-tadbirlarni amalga oshirishda qator ishlar olib borilmoqda.
Xususan bo‘limga joriy yilning o‘tgan davri davomida 207 ta murojaat kelib tushgan bo‘lib, shundan 103 ta murojaatlar ko‘rib chiqilib hal etildi, 108 ta murojaatlar ko‘rib chiqish uchun tegishliligiga ko‘ra boshqa tashkilotlarga yuborildi, ko‘rib chiqilib hal etilgan murojaatlarning 51 tasi qanoatlantirildi.
Kelib tushgan 21 ta murojaatlarni o‘rganishda mutaxassislar jalb etilgan.
Bo‘lim tomonidan shu davr mobaynida 5 ta sohada o‘rganish hamda 4 ta qonun hujjatining ijrosi bo‘yicha monitoring o‘tkazildi.
O‘rganish va monitoring natijalari bo‘yicha jami 2525 ta qonun buzilishi va kamchiliklar aniqlanib, ushbu holatlarni tashkilotlar kesimida tahlil qiladigan bo‘lsak, Moliya idoralarida 1 ta, Sog‘liqni saqlashda 1ta, 5 ta “O‘zbekenergo” AJ tizimi idoralariga, 7 ta ta’lim muassasalarida, 53 ta qurilish va arxitektura idoralarida, 55 ta hokimlik tizimida, 100 ta kadastr idoralarida, 290 ta boshqa nazorat qiluvchi idoralar, 342 ta bandlikka ko‘maklashish markazlarida, 610 ta ijtimoiy ta’minot idoralarida, 691 ta sanitariya-epidemiologiya osoyishtalik markazlarida hamda 370 ta boshqa idoralar hissasiga to‘g‘ri keladi.
O‘rganish va monitoringlar natijasida tegishli tashkilotlarga 74 ta taqdimnomalar, 8 ta ma’muriy takliflar, 58 ta ogohnomalar kiritilgan bo‘lsa, sudlarga 13 ta 1 mlrd. 368 mln 914,3 ming so‘mlik da’vo arizalari kiritildi.
Qo‘llanilgan ta’sir choralari natijasida 62 nafar shaxslar intizomiy, 6 nafar shaxs ma’muriy javobgarlikka tortilgan bo‘lsa, 148 ta noqonuniy hujjatlar (qarorlar) bekor qilingan va 50 tasining ijrosi to‘xtatilgan.
Sudlarga kiritilgan da’vo arizalarining 19 tasi qanoatlantirilib sudning hal qiluv qarorlariga ko‘ra 3 mlrd. 067 mln. so‘m undirish belgilangan.
Bo‘lim tomonidan tashkilotlar faoliyatida o‘tkazilgan o‘rganish va tahlillar natijasida aniqlangan tizimli muammo va kamchiliklarlarni bartaraf etish hamda sohani yanada rivojalantirish yuzasidan xorijiy tajribalardan foydalangan holda 70 dan ortiq takliflar ishlab chiqilib, belgilangan tartibda Adliya vazirligiga yuborilgan.
Sohaga oid jamoatchilik fikrini o‘rganish maqsadida 7 marta so‘rovnomalar o‘tkazilib, ularda qariyib 1008 nafar respondentlar ishtirok etdi.
Bo‘lim tomonidan jami 152 marotaba huquqiy targ‘ibot tadbirlari amalga oshirilgan bo‘lib, shundan 70 marta OAV orqali (8 ta televideniya,
9 ta radio, 24 ta gazeta va 29 ta veb-sayt orqali), 81 marotaba og‘zaki hamda
1 marotaba ko‘rgazmali huquqiy targ‘ibot tadbirlari tashkil etilgan.

Ijtimoiy-iqtisodiy sohada huquqni
qo‘llash amaliyotini o‘rganish
bo‘limi